Sunday, March 05, 2017

記得煲湯

他復發的兩星期,雖說我仍吃得好睡得穩,但他病剛好我才記得自己全身皮膚快乾爆了,便一手拿起平日絕不會碰但肥仔極力推薦的死人快速吸收潤膚乳,塗滿全身。。。之後。。。便換來三日三夜的全身皮膚敏感,再塗什麼也無補於事。(鳴嗚嗚。。。)

歸根究底,都是因為自己忙著陪他而完全忘了湯水。半點湯水也沒有,水也喝得極少,潤膚霜亦忘了塗,在乾爆了的德意志皮膚不出事才是奇蹟。於是趁昨天不用上班,計劃到地球超市,為了買他們的下欄貨豬尾巴。因為來回五十公里,所以出門前我叫肥仔先致電超市,確定人家有貨我們才上路。沒想到鮮肉部的職員先說今天有貨,還問我們想預留多少包 (我每次都是大量入貨,一買便六至八條,可以做上十五至二十鍋二人美味骨湯),但走到冷凍櫃後卻說原來已售罄!還溫馨的補充了一句豬尾巴實在是搶手貨啊。

這些年來用上的湯骨/湯料,變了又變。從以前的豬脊骨到後來的整副有機雞骨、三文魚碎與來自法國超市的 Merlan 魚 (說起便想喝魚湯!!),只要價錢不貴我都願意一試。而地球超市出售的豬尾巴,我一開初也有點猶疑,但一邊說服肥仔一邊也說服自己,才一歐左右便有兩條,試過太油太膩丟掉也不太可惜!怎料一試,大家都愛上了。我一直奇怪怎麼德式大型超市竟會賣豬尾這種德意志人一定不會要的下欄貨,肥仔也說那是專為我這個香江儉婦而設的下欄貨,實在沒有想過原來它是搶手貨!

因為地球超巿的貨賣光,我又不想跟鎮裡的鮮肉店訂 (我只問過一次價錢,人家像聽不懂或是第一次聽到似的反問我:豬尾巴?!),但渴湯到了一個點,我唯有買了一大塊本地人拿來烤的連骨肉,去肉後進焗爐把油烤走,再用來做湯。肥仔看著那貌似排骨 (ribs) 的骨頭被我丟進湯裡,一副餓狗的樣子,但半句也不敢說,我只好半自話自說的解釋,沒辦法,我實在很想喝湯嘛。

那地晚上的一大鍋湯,他才喝了一碗,其餘的幾乎由我包辦,已乾涸了好久好久的皮膚與嘴唇,第二天便馬上變得滋潤。以後實在無論天崩地塌,都要記得煲湯啊!!

6 comments:

  1. 係呀,湯水好緊要架,尤其你現在又返工又要照顧肥仔!希望肥仔可以快D有好轉,你都要自己小心身體呀!

    ReplyDelete
    Replies
    1. 我呢排真係好努力幾乎日日都有湯飲﹗ Yeah﹗肥仔佢好左好多啦,有心﹗

      Delete
  2. 我印象中每次去俄羅斯或者東歐超市,都有大量豬尾巴,而且勁勁勁平,你可以留意下附近有冇呢啲超市,反而係一般洋人超市或者肉檔,從未見過,不過骨湯唔好飲太多,脂肪含量好高,用瘦肉,或者煲素湯,其實好啲

    ReplyDelete
    Replies
    1. 俄羅斯超巿的我都買過,但因為無肉,所以無味。我買開的一般有 20cm 左右長,有肉,所以好有味。前日去左 REAL (來回100公里,整車順路先有得去),竟然有得賣﹗仲幾乎去晒皮﹗

      焗過的豬尾煲出來的湯出奇的清,味也好濃,我在屋企斷貨後買左 K-Land 的牛骨試,好油... >.< 下次斷貨真係可以煲下瘦肉湯,但素湯,就只有我飲,肥仔一聽到無肉就唔 show....

      講起脂肪&膽固醇,又真係奇怪,以前只用菜油煮飯,又少食肥肉,肥仔驗血反而膽固醇偏高,近一年多又食燒肉 (多得你, 嘿嘿 ;D )、又勁食牛油又飲豬尾湯又用(少少)豬油炒菜,佢上個月去急症驗血竟然(!)所有指數都靚到爆燈。

      Delete
  3. 咁唔小心既,未用過的潤膚霜,第一次用就塗滿全身
    ~ ©.© ~

    ReplyDelete
    Replies
    1. 係囉,真係好唔小心.... :(( 果枝 N 字牌快速吸收潤膚霜係肥仔成日讚好的,我在佢回復正常後先醒起皮膚勁乾,咪一野過搽晒全身,諗住快D吸收快D潤番晒,點知..... :"(

      Delete